Azərbaycan Dövlət Xəzər Dəniz Gəmiçiliyi – iri gəmi sahibkarıdır. Əsas fəaliyyət istiqamətləri:
yük daşınması, əsasən neft və neft məhsulları.

Üzmə rayonları:
Xəzər dənizi
Qara dəniz
Aralıq dənizi
Mərmərə dənizi
Volqo-Balt və Volqa-Don gəmiçilik sistemlərindən keçməklə Baltik və Qara dəniz – Aralıq dənizi hövzələrindəki  limanlardan Xəzərə gətirilən yüklər aşırılmadan İran limanlarına göndərilir.
Xəzər Dəniz Gəmiçiliyinin Qara dəniz-Azov hövzəsində işləyən gəmiləri xarici fraxtçıların yüklərini Avropa, Yaxın Şərq və Şimali Afrika limanlarına çatdırırlar. Bu gün iftixarla
demək olar ki, Xəzər Dəniz Gəmiçiliyi beynəlxalq yükdaşımalar bazarındakı tərəfdaşlarının etimadını qazanıb. Bunu 1997-1998-ci illərdə əldə edilmiş nüfuzlu prizlərdə “EURO MARKET AWARD” və “MANAGMENT  REWARD” təsdiqləyir. 1992-ci ildə Belçikada Kral Dekreti
 ilə təsis olunmuş həmin prizlərin Xəzər Dəniz Gəmiçiliyinə təqdim edilməsi onun Avropa bazarı  ilə işgüzar əlaqələrin inkişafındakı xidmətlərinin, idarəetmə  uğurlarının,

habelə Azərbaycan  iqtisadiyyatındakı  rolunun və beynəlxalq iqtisadi sistemə inteqrasiya təşəbbuslərinin tanınmasıdır. Fərəhləndirici haldır ki, Xəzər Dəniz Gəmiçiliyi MDB-də “EURO MARKET AWARD” və “MANAGMENT REWARD” prizlərini alan yeganə gəmiçilik şirkətidir. 2003 - cü  ilin  yekunlarına görə gəmiçilik qızıl  kateqoriyalı  "Quality  Crown" beynəlxalq  prizinə layiq görülüb.Prizin müəllifi Biznes Təşəbbüsü Təşkilatıdır. Onun"Total Quality Management" keyfiyyət  texnologiyası  dünyanın 166 ölkəsini əhatəedir.  İndi onların sırasında Azərbaycan  da var.